12 de març del 2010

Naua Web de cultura deth Conselh Generau

Eth Conselh estree ua web de Cultura

Eth Departament de Cultura e Politica Lingüistica deth Govèrn aranés a metut en marcha ua naua web, que recuelh tota era informacion que hè referéncia ara cultura e era lengua pròpia d’Aran, ath delà de toti aqueri ahèrs relacionadi damb era creacion culturau que s’amien a tèrme en país.



Era cap de Cultura e Politica Lingüistica, Maria Vergés, a dat a conéisher aué aguest portau qu’amasse es seccions de lengua, patrimòni, musèus e promocion e difusion culturau. Tanben se pòden consultar contenguts relacionadi damb er Archiu Generau d’Aran, era Bibliotèca Generau de Vielha e er Institut d’Estudis Aranesi.


Maria Vergés a assegurat que “era web de Cultura ei fòrça complèta e servís entà conéisher mielhor era cultura e era lengua, atau coma sage d’incentivar era implicacion ena creacion culturau des entitats e es persones interessades”.



Eth portau se pòt consultar en http://www.cultura.conselharan.org.

20 ANIVERSARI

Eth grop de dances “Es Fradins de Vielha “, volem arregraïr a toti era acuelhuda qu’auec eth nòste espectacle deth passat diuendres dia 5 de seteme entre eth public que i assistic.

Quique Boya Busquets
President