Port Aventura 2010

Mos a costat un shinhau mès ja podetz veir es fòtos deth grop ena gessuda entà Port Aventura eth passat 11 de seteme. Cau dider que tot anèc fòrça ben e que toti s'ac passeren milhor.

De Port Aventura 2010

Hi auèc qui s'estreaue e de quina manèra, eh? Encarna.....

De Port Aventura 2010

Gràcies a toti, encara mos quede era Hèsta de Betren....

Actuacions Ostiu 3

Aguestes corresponen ara Hèta dera Bordeta. Ua actuacion coma era de Baqueira laguens deth programa de dances en ostiu deth Conselh Generau.

ACTUACIONS OSTIU 2

Aguestes fòtos corresponen ara actuacion ue hèrem ena Plaça dera Glèisa de Vielha eth passat 14 d'agost.
Ua actuacion que lèu estèc a punt de non hèr-se pramor que comencèc a plòir abantes de començar e calèc retrasar-la ua estoneta tà shugar er escenari.
Ara fin tot solucionat e actuacion hèta.
Aguesta ère ua actuacion premanida peth Departament de Cultura der Ajuntament de Vielha Mijaran

.
Gràcies de tot còr.

ACTUACIONS D'OSTIU

Òla, auem trigat un shinhau mès aciu vo pòrti es fotos dera actuacion de Baquèira eth 5 d'agost,
un lòc a on hege fòrça ans que non hi anauem.

Ostiu? Agost? Actuacion¡¡¡¡¡¡

Qui a dit qu'èm en mes d'agost?. Perque semble mès lèu eth mes de noveme. Maugrat tot ei ostiu e deman dissabte baram en Vielha ath laguens deth programa "DANCES EN VIELHA" der Ajuntament de Vielha e Mijaran. Serà a compdar des 8 dera vrespada ena Plaça dera Gleisa de Vielha. Demorem qu'eth temps mos permete barar.

Era Actuacion la dividiram en dus blòcs. Ena prumèra part aufriram un recuelh de dances que van des Ceremoniaus, as de Hèsta Major. Son dances com eth Belhano de salardú, es Aubades de Bossòst, eth Cadrilh o eth Balh plan de Vielha o Canejan. Ena dussau part les aufriram ua teatralizacion damb era celebracion deth Magrás (carnaval), ena que s'includissen diuèrses dances. N’hi a ues que son pròpies der Aran, e d’autes que son comunes damb es territòris vesins tant d’Occitània enlá com de Catalunha.

Mos vedem deman ena Plaça dera Gleisa de Vielha.

Endeuant Fradins.

E tanben en diari La Manyana.

Hèsta d'Aran

Es Fradins de Vielha en portada deth diari Segre entot dançar era Giga damb eth Molt Honorable President dera Generalitat José Montilla, e eth Magnific Conselhèr de Torisme Juan antonio Serrano.

CICLE D’OSTIU DANÇA E MUSICA 2010

Òla a toti. Tas que sigue d'interés, ei a dider es qu'actueren en cine ena Jornada dera Solidaritat e en Palai de Gèu en Campeonat de Ballet, es trajes les cau tornar dimèrcles, SONQUE DIMÈRCLES, dia 9/6/10, de 17 ores a 19:30 ores.
Tanben dider-vos qu'aguest ei eth pòster damb eth calendari d'actuacions en Cicle d'Ostiu Dança e Musica 2010 deth Conselh Generau e que anule era anterior prepausa.

Ath delà eth 15 d'agost, damb eth supòrt der Ajuntament de Vielha, haram era actuacion Grana ena plaça dera Glèisa de Vielha. Serà tas 8 deth ser. 

CICLE D’OSTIU “ARAN DAMB ART” DANÇA E MUSICA 2010

Bona tarde Fradins, eth Conselh generau mos hè a saber eth calendari d'actuacions "oficiaus", n'auem d'autes, mès, ja vos les haram a saber. Peth moment açò ei lo que hi a.

CICLE D’OSTIU “ARAN DAMB ART”
DANÇA E MUSICA 2010
FRADINS DE VIELHA
1 d’agost (dimenge) Vilac 13’00
5 d’agost (dijaus) Baqueira 20’00
29 d’agost (dimenge) Canejan 20’00

CÒLHA SANTA MARIA DE MIJARAN
23 de junhsèga (diuendres) Bossòst 20’00
1 d’agost (dimenge) Bagergue 13’00
28 d’agost (dissabte) Garòs 20’00

CORBILHUÈRS DE LES
5 d’agost (dijaus) Betlan 13’00 ó 20’00
16 d’agost (dijaus) Vila 20’00
22 d’agost (dimenge) Vielha 20’00

GRIPETS DE NAUT ARAN
24 junhèga (dissabte) Les 20’00
8 d’agost (dimenge) Vielha 20’00
29 d’agost (dimenge) Arròs 13’00 ó 20’00

SAUTARÈTHS DE BOSSÒST
24 de junhsèga (dissabte) Casau 20’00
21 d’agost (dissabte) Salardú 20’00
28 d’agost (dissabte) Arró 20’00

HÈSTA D’ARAN 17 de junh
Actuacion conjunta des 5 còlhes
Concretar: Dus balhs e musica

Es Fradins en Programa DIVENDRES de TV3

Ben, que vos a semblat era nòsta participacion en programa "DIVENDRES" de TV3?. Aciu lo podetz recuperar.


Completerem aguesta participacion coma public en plató en programa de diuendres.

Naua Web de cultura deth Conselh Generau

Eth Conselh estree ua web de Cultura

Eth Departament de Cultura e Politica Lingüistica deth Govèrn aranés a metut en marcha ua naua web, que recuelh tota era informacion que hè referéncia ara cultura e era lengua pròpia d’Aran, ath delà de toti aqueri ahèrs relacionadi damb era creacion culturau que s’amien a tèrme en país.



Era cap de Cultura e Politica Lingüistica, Maria Vergés, a dat a conéisher aué aguest portau qu’amasse es seccions de lengua, patrimòni, musèus e promocion e difusion culturau. Tanben se pòden consultar contenguts relacionadi damb er Archiu Generau d’Aran, era Bibliotèca Generau de Vielha e er Institut d’Estudis Aranesi.


Maria Vergés a assegurat que “era web de Cultura ei fòrça complèta e servís entà conéisher mielhor era cultura e era lengua, atau coma sage d’incentivar era implicacion ena creacion culturau des entitats e es persones interessades”.



Eth portau se pòt consultar en http://www.cultura.conselharan.org.